Un informe evidencia a desigualdade imperante nos cargos directivos do sector da comunicación


Os homes copan os postos directivos no sector xornalístico. Esa é a principal conclusión do informe ‘A muller na cultura galega (II)’, elaborado polo Observatorio da Cultura do Consello da Cultura Galega, no que se constata que, agás nos medios públicos, a presenza das mulleres escasea canta maior é a responsabilidade do posto laboral.

No eido da comunicación, a pesar de que as mulleres son maioría na profesión, o patrón volve a repetirse: o informe deixa patente que nos medios de comunicación a presenza feminina é menor canto maior é a responsabilidade desempeñada. Así, por exemplo, no Clúster Audiovisual Galego, a asociación empresarial de referencia dentro do sector, os homes ocupan o 72% dos cargos directivos. Continue reading

O Informe da profesión da APM revela a desigual incidencia do paro na profesión entre homes e mulleres: o 63% son mulleres

‘Informe de la Profesión Periodística 2013’: 11.151 empleos perdidos y 284 medios cerrados desde 2008 | Generales | noticias

‘Informe de la Profesión Periodística 2013’: 11.151 empleos perdidos y 284 medios cerrados desde 2008 | Generales | noticias.

Xornalistas de Irak, Túnez e Chad acuden mañá a Compostela invitadas polo SXG

Houda Mahmat do Chad, Youad Ben Rejeb de Túnez e unha compañeira irakí, que prefire permanecer no animato por razóns de seguridade. Estas son as tres xornalistas que participan no ciclo "Un altofalante para o silencio. Tecnoloxías da Información e a Comunicación con Visión de Xénero" que o Sindicato de Xornalistas de Galicia (SXG) achega mañá venres, 30 de maio, a Santiago.

Formación contra a discriminación
Este proxecto, que organiza a Fundación Euroárabe de Altos Estudos, é unha experiencia piloto de aplicación das Tecnoloxías da Información e as Comunicacións (TIC) para formar a mulleres xornalistas e comunicadoras. O proxecto busca erradicar, mediante o traballo en rede, toda violencia contra as mulleres e servir como fonte informativa nos temas relacionados coa xustiza de xénero, a liberdade de expresión e a promoción da paz.

As mulleres invitadas participan durante dúas semanas en distintas actividades programadas. Así, tras estar en Málaga e Sevilla, o venres un grupo acude a Compostela. Ese mesmo día outra parte das participantes –de estados como Congo, Sudán, Costa do Marfil, Marrocos, Líbano ou Arxelia– estará en Madrid e Barcelona.

Axenda en Compostela
O programa en Santiago inclúe unha visita ás instalacións da CRTVG en San Marcos, para coñecer o seu funcionamento, especialmente a elaboración da portal de internet do ente público. A continuación xantarán con directivos da Compañía e coa secretaria xeral de Igualdade da Xunta, Carme Adán. Xa pola tarde, as 19:30 horas, organizarase unha mesa redonda no Club Internacional de Prensa de Santiago de Compostela. No debate tamén participaran representantes do Sindicato de Xornalistas e da Fundación Euroárabe.

O proxecto ‘Un altofalante para o silenzo’ inclúe unha primeira parte centrada nun curso que se impartiu en Granada de capacitación en materia de TIC, que lles permita ás mulleres que o reciban permitirá converterse en formadoras de formadoras unha vez cheguen aos seus países.

A inciativa tamén prevé visitas a distintas cidades nas que se desenvolverá unha fase de información e sensibilización, mediante a organización de mesas redondas abertas ao público, nas que as participantes neste proxecto abordarán o tema da violencia de xénero.

Patrocinadores
"Un Altofalante para o Silencio" conta co patrocinio do Ministerio de Industria, Turismo e Comercio, a Deputación de Málaga, as Universidades de Granada e Málaga, o Instituto Andaluz da Muller, a Consellería de Xustiza e Administración Pública da Junta de Andalucía e a Deputación de Granada.
Tamén conta co apoio e a colaboración de institucións e organizacións como o Centro Internacional de Prensa da Xunta de Galicia, a Cátedra UNESCO Liberdade de Expresión da Universidade de Málaga, Federación de Sindicatos de Xornalistas (FeSP), Asociación de Xornalistas Dixitais de Andalucia, Área de Muller de Radio Vallekas, LolaMora Producións, ACSUR A Segovias, Women Media and Development (TAM), Women"s link; Asociación Euroafricana, Asemblea de Cooperación pola Paz, Asociación da Prensa de Sevilla, Asociación da Prensa de Granada, Universidade Internacional de Andalucía e Instituto Europeo do Mediterráneo.

Nota aos medios.- Aqueles interesados en realizar algunha entrevista, por favor contacten co Sindicato de Xornalistas de Galicia no 630 545 240 ou no 651 36 00 68. En principio, o horario dispoñible para tal fin é de 5 a 7 da tarde do venres.

Mulleres africanas e árabes participan en Santiago nun ciclo de tecnoloxía e xénero

O Sindicato de Xornalistas de Galicia achega a Santiago o ciclo "Un altofalante para o silencio. Tecnoloxías da Información e a Comunicación con Visión de Xénero" o venres día 30 de maio. Nel participan mulleres xornalistas de Alxeria, Chad, Costa do Marfil, Exipto, España, Iraq, Líbano, Marrocos, Palestina, Congo, Sudán e Tunisia.

Este proxecto, que organiza a Fundación Euroárabe de Altos Estudos, é unha experiencia piloto de aplicación das Tecnoloxías da Información e as Comunicacións (TIC) para formar a mulleres xornalistas e comunicadoras. O proxecto busca erradicar, mediante o traballo en rede, toda violencia contra as mulleres e servir como fonte informativa nos temas relacionados coa xustiza de xénero, a liberdade de expresión e a promoción da paz.

As mulleres, invitadas a participan durante dúas semanas en distintas actividades programadas. Así, tras pasar por Málaga e Sevilla o venres 30 un grupo delas acudirá a Compostela. Ese mesmo día outra parte das participantes estará en Madrid e Barcelona.

O proxecto contempla unha primeira parte centrada nun curso que se impartiu en Granada de capacitación en materia de TIC, que lles permita ás mulleres que o reciban permitirá converterse en formadoras de formadoras unha vez cheguen aos seus países.

O proxecto complétase cunha visita a distintas cidades nas que se desenvolverá unha fase de información e sensibilización, mediante a organización de mesas redondas abertas ao público, nas que as participantes neste proxecto abordarán o tema da "Violencia contra as Mulleres".

Patrocinadores

"Un Altofalante para o Silencio" conta co patrocinio do Ministerio de Industria, Turismo e Comercio, a Deputación de Málaga, as Universidades de Granada e Málaga, o Instituto Andaluz da Muller, a Consellería de Xustiza e Administración Pública da Junta de Andalucía e a Deputación de Granada.

Tamén conta co apoio e a colaboración de institucións e organizacións como o Centro Internacional de Prensa da Xunta de Galicia, a Cátedra UNESCO Liberdade de Expresión da Universidade de Málaga, Federación de Sindicatos de Xornalistas (FeSP), Asociación de Xornalistas Dixitais de Andalucia, Área de Muller de Radio Vallekas, LolaMora Producións, ACSUR A Segovias, Women Media and Development (TAM), Women"s link; Asociación Euroafricana, Asemblea de Cooperación pola Paz, Asociación da Prensa de Sevilla, Asociación da Prensa de Granada, Universidade Internacional de Andalucía e Instituto Europeo do Mediterráneo.

As mulleres son maioría nas redaccións pero só o 2,9% dos directivos

O Sindicato de Xornalistas de Galicia (SXG) denuncia a discriminación laboral das traballadoras do sector da comunicación na Comunidade. Na véspera do Día do Traballador, o SXG adianta os resultados dun estudio que proba que as informadoras teñen especialmente difícil acceder aos cargos directivos e, polo tanto, aos mellores salarios.

Malia que máis do 60% do redactores dos xornais galegos son mulleres, a participación feminina nos postos de responsabilidade é case nula. E é que unicamente o 2,9% dos directores, subdirectores e directores adxuntos da prensa galega son mulleres.

Un chanzo por debaixo, na categoría de redactores xefes, a porcentaxe é do 21%. Entre os xefes de area, xefes de sección e delegados a proporción de mulleres aumenta (30%) pero segue a reflectir a existencia dun “teito de cristal” que lastra o progreso das mulleres.

A orixe destes datos é unha investigación realizada polo SXG sobre as actuais manchetas de dezaseis xornais galegos.

A discriminación é evidente considerando que as galegas son inmensa maioría nas aulas de onde saen os futuros traballadores do sector da comunicación. Así, o 72% do alumnado da Facultade de Ciencias de Comunicación de Santiago este curso son rapazas. Na Facultade de Ciencias da Comunicación da Coruña, na de Ciencias da Comunicación de Pontevedra e na de Publicidade e Relacións Públicas de Pontevedra a proporción de mozas tamén é aproximadamente do 70%.

O PSOE ten que desbloquear o Estatuto
O SXG quere tamén aproveitar o primeiro de maio para lembrar a importancia de que se aprobe o Estatuto do Xornalista, que leva varios meses paralizado no Congreso. O Estatuto é unha ferramenta imprescindíbel para mellorar as condicións dos traballadores deste sector, especialmente dos xornalistas á peza.

Por iso esixe ao PSOE que desbloquee o Estatuto e cumpra dunha vez a súa promesa de regular a profesión para garantir unhas condicións de traballo dignas.

Cómpre mobilizarse para
mellorar as condicións laborais

Por último, o Sindicato fai un chamamento aos seus afiliados e ao resto de traballadores do sector para que participen nas mobilizacións do primeiro de maio, pois unicamente a participación sindical deste colectivo poderá mellorar as paupérrimas condicións laborais que sofre actualmente en Galiza.

Non se pode esperar que empresarios e administracións acepten negociar problemas coma os horarios e contratos abusivos, as prácticas, os baixos salarios ou a regulación dos dereitos de autor sen que os traballadores se organicen formalmente e reclamen o cumprimento dos seus dereitos.