O Sindicato de Xornalistas de Galicia (SXG) amosa o seu total apoio e respaldo ao Comité Intercentros de La Voz de Galicia despois de que a dirección do grupo empresarial anunciase a súa intención de iniciar o procedemento de inaplicación das condicións de traballo previstas no Convenio Colectivo da empresa en base a causas económicas. Ademais, fai un chamamento para participar na ‘Primeira xornada de loito’ convocada polo Comité en defensa dos seus dereitos laborais.
O SXG, presente na manifestación de sindicatos alternativos celebrada en Vigo
O Sindicato de Xornalistas de Galicia (SXG) participou na manifestación convocada polos sindicatos alternativos en Vigo, na que tamén estiveron presentes CUT, CGT, Sindicato Ferroviario, Sindicato de Traballadores e Traballadoras de Galicia (STEG) e Sindicato de Elevacións. Baixo o lema ‘Clase traballadora: organízate e loita’, a marcha percorreu as rúas de Vigo ata rematar na Porta do Sol coa lectura dun manifesto a cargo da actriz galega Mónica Caamaño. Máis de 4.000 persoas participaron nesta manifestación segundo a organización, 1.200 segundo a Policía Local.
Nada que celebrar, moito que reivindicar
A Federación de Sindicatos de Periodistas (FeSP), na que participa o Sindicato de Xornalistas de Galicia (SXG), fai un chamamento a traballadores e traballadoras do sector da Comunicación, así como á cidadanía en xeral, a reclamar e defender o seu dereito a difundir e recibir información veraz e plural.
O SXG anima a todos os traballadores do sector da Comunicación a participar nas manifestacións do 1º de Maio
O Sindicato de Xornalistas de Galicia (SXG) anima a todos os traballadores do sector da Comunicación a participar activamente en calquera das manifestacións convocadas en toda Galicia con motivo do 1º de Maio, Día Internacional dos Traballadores.
Cursos de Photoshop e xestión web e multimedia para traballadores do sector da Comunicación
A Federación de Sindicatos de Periodistas (FESP) ofrece, en colaboración co Grupo Femxa, unha serie de actividades formativas nas que os interesados participarán de xeito non presencial, senón co sistema e-learning ou de formación a través de internet. Subvencionadas polo Servicio Público de Empleo Estatal e dirixidos a traballadores do sector da prensa diaria, os cursos serán gratuítos ao 100%.