Total respaldo do SXG á xornalista Leticia Vilar ante os ataques do grupo provincial do PP de Lugo á súa situación laboral

O Sindicato de Xornalistas de Galicia quere amosar o seu apoio a Leticia Vilar Pumares, xornalista e directora de comunicación e TICs da Deputación Provincial de Lugo, logo do ataque perpetrado a súa situación laboral por parte do grupo provincial do PP lucense, que cuestionou a lexitimidade do seu acceso ao posto nun comunicado enviado aos medios no que asegura que “se converte en funcionarios a persoal de confianza do presidente”, José Ramón Gómez Besteiro. No comunicado aluden directamente á xornalista e á súa praza dentro da institución. Continue reading

Os xornalistas cataláns protestan polos límites de acceso aos xulgados

O SPC AFIRMA QUE A NORMA PROHÍBE TOMAR FOTOGRAFÍAS

Para o Sindicato, este protocolo "restrinxe gravemente o labor dos profesionais da información".

O Sindicato afirma que a norma prohíbe tomar imaxes ou fotografías, non só nas Salas de Vista senón nos corredores, o que deixaría en mans dun só medio "institucional", segundo se desprende do texto do TSJC, prover ós demais de ditas imaxes, algo que "afectaría ó conxunto da cidadanía, que verá mutilada a información que recibe", apunta o comunicado.

Por todo isto, o Sindicato "dá pleno apoio á esixencia formulada polos profesionais que se ocupan da información ós tribunal", que piden que o protocolo sexa retirado.

Na nota que o SPC enviou ós medios para denunciar esta situación sinálase que "os tribunais non teñen que decidir que han de publicar ou emitir os medios".

Segundo o sindicato, a tensión "entre o dereito á información e o dereito á intimidade" que existe na información xudicial non causou ningún conflito grave, polo que se insta ó TSJC que a prohibición sexa aplicada unicamente para "casos excepcionais" e non facer unha norma, como resolveu o TSJC.

Desta forma, o TSJC non debería avanzarse ó Estatuto do Xornalista Profesional, actualmente en trámite parlamentario, que precisamente ha de dar resposta a este tipo de conflitos, entre outros.

La mayoría de los periodistas sufren presiones de empresarios y políticos

ESTUDIO DE LA ASOCIACIÓN DE LA PRENSA DE MADRID

La propia empresa y sus cuadros directivos son identificados por los periodistas como el núcleo duro de las coacciones y se sitúan entre el 40 y el 50% del total de las presiones recibidas, según el medio. La proporción de los periodistas de prensa que afirman haberlas recibido de su jefe inmediato es del 20,9%.

En televisión el número de periodistas que denuncian coacciones, es del 55%; mientras que en la prensa no diaria el porcentaje de periodistas coaccionados es del 56,7%. En cuanto a las ediciones digitales de los periódicos, han afirmado ser coaccionados el 42,9% de los encuestados.

Es de esperar que estos datos influyan en las organizaciones profesionales y en los políticos que aun no entienden las razones de la necesaria existencia de un Estatuto del Periodista Profesional.

Condenan ó alcalde de Toques e a cinco veciños por agredir a xornalistas

O alcalde de Toques, Jesús Ares, deberá indemnizar a un reporteiro con máis de 380 euros por romperlle a cámara durante o polémico pleno celebrado o 27 de xaneiro de 2004. Ademais, a Xustiza multa con 120 euros ó mandatario e a catro veciños por unha falta de ‘maltrato de obra’ durante a expulsión ‘agresiva’ dos informadores do salón municipal. Un quinto veciño foi condenado por unha falta de lesións contra unha fotoxornalista.

O Sindicato de Xornalistas de Galicia (SXG), que representa a 13 dos 22 traballadores que denunciaron os feitos, valora positivamente a sentencia do Xulgado de Arzúa, aínda que está valorando pedir un aumento das condenas. O xuíz considera probado que Jesús Ares empurrou varias veces a un reporteiro causándolle a ruptura da súa cámara. Ademais, o veciño M. B. lanzou a unha informadora contra un pasamáns, provocándolle lesións que a mantiveron catro días de baixa, polo que deberá indemniza-la con 180 euros.

Os feitos sucederon cando un numeroso grupo de xornalistas acudiu a Toques para informar da posible dimisión do alcalde, quen fóra condenado por abuso sexual a unha menor. Na sentencia publicada agora, a Xustiza considera probado que Jesús Ares comezou a empurrar ós informadores nada máis entrar no salón municipal, actitude que foi imitada por un grupo de veciños ata que lograron ‘de forma agresiva a súa expulsión’. O xuíz condena ó rexedor municipal e a C. P., A.V., P. F. e J. P. como ‘responsables en concepto de autores cada un deles dunha falta de maltrato de obra’. Outro veciño, R. C., foi absolto de tódolos cargos.

O SXG pide ás administracións que protexan
ós informadores en situacións potencialmente perigosas

O Sindicato de Xornalistas de Galicia louva a valentía dos 23 xornalistas que denunciaron os feitos e que, no caso dos xornalistas gráficos, aportaron fotos e vídeos como proba; imaxes que foron emitidas en tódalas televisións e que o xuíz considerou unha proba ‘especialmente esclarecedora’. O SXG entende que a unión entre tódolos profesionais da información é necesaria para facer valer os seus dereitos, entre os que figura o dereito a informar libremente do traballo das administracións.

Ademais, o SXG quere lémbralle ós poderes públicos a súa obriga de protexer este dereito constitucional a informar. Por iso, pide que a administracións tomen máis medidas de seguridade para protexer ós informadores que acoden a cubrir eventos que, como aquel pleno extraordinario, son potencialmente conflitivos. Incidentes como os de Toques ou as agresións a xornalistas gráficos durante a folga do sector do metal en Vigo son exemplos de situacións nas que a labor dos informadores debe estar especialmente protexida polas autoridades.

22 XORNALISTAS GALEGOS DEMANDAN CASE 20.000 EUROS DE MULTA Ó ALCALDE DE TOQUES E CINCO VECIÑOS

Un grupo de informadores reclamaron hoxe no xulgado de Arzúa seren que o alcalde de Toques, Jesús Ares, e 5 veciños sexan multados con 20.000 euros. A vista tratou como os xornalistas foron expulsados mediante “empurróns” e “ameazas” dun pleno deste Concello. Os avogados dos 22 demandantes alegan que a expulsión violenta produciuse polas ordes do alcalde a un grupo de veciños.

A acusación –na que o Sindicato de Xornalistas de Galicia (SXG) representa a 13 traballadores- reclama que Ares e os veciños sexan condenado polas faltas de maltrato de obra e perturbación da orde pública. Ademais, os avogados reclaman unha indemnización ós xornalistas por danos morais, materiais e físicos próxima os 10.000 euros.

Informar da posible dimisión do alcalde, quen fóra condenado por abuso sexual a unha menor, era o motivo da presenza dos xornalistas en Toques o 28 de xaneiro de 2004.

Alegan que o alcalde agrediu
persoalmente a algúns xornalistas

Varios dos 17 xornalistas que compareceron hoxe detallaron como foron agredidos, nalgúns casos polo propio alcalde. Un dos fotógrafos demandantes afirmou que "a min foi el –referíndose ó Alcalde– quen me rompeu a cámara. Veu cara min e de moi malos xeitos empurroume en tres ocasións”. Unha redactora de radio asegurou que foi lesionada no brazo tras ser "acurralada e empurrada" contra unha valla por parte dalgúns veciños.

Pola súa banda, o alcalde argumentou que ordenou a expulsión dos xornalistas ante as protestas dalgúns veciños, quen, segundo Ares, acusaron os informadores de dificultar o normal desenvolvemento do pleno.

Ares negou que se produciran incidentes fóra do edificio consistorial, mentres que os xornalistas aseguran que, na súa entrada, o alcalde chamounos “mortos de fame”. Ares negou que a expulsión fose violenta, aínda que esta foi emitida por varias cadeas de televisión. O Servizo Xurídico do SXG estima que a sentencia podería ser publicada en dous meses aproximadamente.

O Sindicato de Xornalistas de Galicia louva a valentía dos 23 xornalistas que denunciaron os feitos e que, no caso dos xornalistas gráficos, aportaron fotos e vídeos como proba. O SXG entende que este tipo de unión entre tódolos profesionais é indispensable para facer valer os dereitos dos xornalistas, entre os que figura o dereito a informar libremente do traballo das administracións.

Ademais, o Sindicato de Xornalistas de Galicia quere lembrar ós poderes públicos a súa obriga de protexer o dereito constitucional a informar. Por iso, pide que a administracións tomen máis medidas de seguridade para protexer ós informadores que acudan a cubrir eventos potencialmente conflitivos. Incidentes como os de Toques ou as recentes agresións a xornalistas gráficos durante a pasada folga do sector do metal en Vigo son exemplos de situacións nas que a labor dos informadores debe estar especialmente protexida.

Máis:

Mañá comeza o xuízo polas agresións a un grupo de xornalistas no Concello de Toques