A FeSP consegue que a Defensora del Pueblo rectifique a súa postura da obrigatoriedade do uso de chaleco identificador

A Institución do Defensor del Pueblo, que dirixe Soledad Becerril, recoñeceu por escrito á Federación de Sindicatos de Periodistas da que é parte o SXG que os chalecos de identificación que a Dirección General da Policía Nacional recomenda utilizar aos fotoxornalistas nas manifestacións e protestas na rúa non son obrigatorios e, ademais, so están a disposición dunha asociación profesional e non de todas as representativas do sector. Continue reading

A Federación de Sindicatos de Periodistas denuncia o aumento de agresións policiais a xornalistas gráficos

Pide a Interior que respecte o dereito a informar dos medios alternativos por igual que os tradicionais e que se reúna cos organizacións representativas.

A Federación de Sindicatos de Periodistas (FeSP) fixo público este mediodía o seguinte comunicado da súa Junta Ejecutiva Federal:

As agresións que sufriron cando menos seis fotógrafos por parte de varios policías antidisturbios o sábado 29 de marzo en Madrid, mentres realizaban o seu traballo informativo nunha protesta non autorizada convocada co lema “Jaque al Rey”, foron un salto cualitativo na actitude obstrucionista que algúns axentes manteñen cada vez con máis frecuencia contra os fotoperiodistas durante as protestas da cidadanía na rúa.
Neste caso, como se ve nos vídeos difundidos por varios medios de comunicación, algúns axentes da Unidad de Intervención Policial golpearon e empurraron a varios fotógrafos e, ademais, non lles permitiron axudar a outro fotógrafo que, tras ser fortemente golpeado, caeu e permanecía tombado no chan.

A Federación de Sindicatos de Periodistas (FeSP), que sempre ten condenado con toda contundencia estes comportamentos, tamén o fai neste caso e esixe da Delegación do Goberno en Madrid que abra unha investigación e adopte as medidas necesarias para que non se repitan condutas deste tipo. Continue reading

Chalecos para os xornalistas gráficos

Como parte dos servizos á afiliación o Sindicato de Xornalistas de Galicia comezara inmediatamente a repartir entre os afiliados e afiliadas que desempeñan labores de xornalismo gráfico chalecos identificadores co logotipo do sindicato e as palabras “PRENSA” colocadas en zonas visibles de tal xeito que poida ser de utilidade no traballo, sobre todo naquelas situacións nas que a integridade física dos/as xornalistas gráficos poida estar en risco, sobre todo cando traballen en escenarios conflitivos, tan frecuentes no momento social que vivimos actualmente. Continue reading

O SXG pide a manifestantes e sindicatos que respecten aos informadores

O Sindicato lamenta as ameazas que varios profesionais sufriron hoxe nas protestas dos gandeiros ante a planta de Lagasa, do grupo Leite Celta, en Pontedeume.

O Sindicato de Xornalistas de Galicia volve, novamente, a pedir a manifestantes e sindicatos que respecten e protexan a labor informativas que realizan os traballadores dos medios de comunicación.

Así, lémbralles que os cámaras, reporteiros, xornalistas ou fotógrafos que cobren este tipo de actos están realizando o seu traballo sen xulgar nin valorar esas accións.

Hoxe, varios compañeiros dos medios foron ameazados e case que agredidos por un grupo reducido de manifestantes que participaban nas protestas que os gandeiros realizaron ante a planta de Lagasa, do grupo Leite Celta, en Pontedeume.

Non é a primeira vez que os traballadores dos medios sofren este tipo de situacións e tampouco é a primeira vez que piden a manifestantes e sindicatos que respecten o seu labor.

O SXG tamén reclama ás forzas e corpos de seguridade do Estado que velen pola súa seguridade e defendan, na medida do posible, o exercicio da liberdade de prensa e información.

O Sindicato de Xornalistas quere deixar claro que respecta ao conxunto dos manifestantes e sindicatos que teñen convocado esta manifestación e amosa o seu total apoio as súas reivindicacións. E, aínda que é consciente de que as amezas e agresións sempre son obra de grupos reducidos de incontrolados, pídelles aos organizadores que tenten velar pola seguridade dos informadores.

O SXG destaca a rápida reacción de algún sindicato agrario convocante da protesta, que xa enviou notas públicas condenando os incidentes, como UU.AA.

O SXG publica unha mostra do mellor do fotoxornalismo galego en 2007

.Unha mostra das mellores fotografías publicadas na prensa galega en 2007 acaba de ser publicada polo Sindicato de Xornalistas de Galicia (SXG). Estes traballos ilustran un calendario que o SXG comezou a distribuír de xeito gratuíto nestes días. As fotografías reflicten algúns dos feitos máis relevantes do pasado ano como, por exemplo, a folga do naval en Vigo ou o descenso do Celta

Os problemas de ser fotoxornalista en Galicia

O Sindicato quere agradecer publicamente a contribución desinteresada aos 20 autores, tanto dos doce seleccionados para as "fotos do mes" coma do resto. Todos eles pertencen a un gremio, o dos reporteiros gráficos, que a miúdo ten que traballar en condicións moi precarias.

A pesar da importancia da súa labor, as colaboracións como falsos autónomos, as vulneracións dos dereitos de autor e as agresións durante a cobertura de actos son, desgraciadamente, situacións que moitos fotoxornalistas galegos teñen sufrido na súa pel. Con todo, a calidade e capacidade de impacto destas fotos proba da gran utilidade do seu traballo.

A listaxe completa das obras incluídas no calendario 2008 do SXG é o seguinte:

  • Protesta pola falta de información sobre a autoría do 11-M, Rafa Estévez, Faro de Vigo

  • Amancio Ortega felicita a súa filla Marta tras concursar na CSWI de Vigo, Marta G. Brea, ADN

  • Percebeiros traballando en Cabo Home, Marcos Canosa, Faro de Vigo

  • Disturbios nas rúas de Vigo provocados polos traballadores do Naval, Salvador Sas, Efe

  • Mariscadoras camiñando a súa zona de traballo, Ramón Leiro, La Voz de Galicia

  • Campionato Nacional de Patinaxe de Show, José Lores, Faro de Vigo

  • A alpinista e política Chus Lago salta ao mar nas Cíes, Miguel Muñiz, ABC

  • Borja Oubiña, ao remate do partido que levou ao Celta a Segunda, La Voz de Galicia

  • Mozos practicando capoeira na praia, Óscar Vázquez, La Voz de Galicia

  • Un discapacitado contempla o paso dunha manifestación, Diego Villar, La Voz de Galicia

  • Un surfeiro baixando unha onda na praia de Patos, Pablo Martínez, Freelance

  • Primeiros días de frío en Santiago de Compostela, Sandra Alonso, La Voz de Galicia

    A organización comezou a distribuír lotes de calendarios entre os seus afiliados. Aqueles profesionais interesados en recibir un exemplar desta publicación poden contactar co SXG a través do seu correo electrónico.