Contra a condena aos caricaturistas de El Jueves

A Federación de Sindicatos de Xornalistas, da que forma o Sindicato de Xornalistas de Galicia (SXG), respecta a sentenza que condena a un guionista e a un debuxante da revista El Jueves por inxurias á Casa Real Española, pero considera que esta demostra que a xustiza estatal necesita dun axuste acorde aos tempos actuais.

A sátira é unha das formas históricas da crítica e está enraizada na tradición xornalística ; cremos que, unha vez máis, a aplicación da lei pura e dura sobre ela descoñece esa realidade e non axuda a conducir á sociedade polos camiños da liberdade democrática.

Meses atrás todas as organizacións xornalísticas, intelectuais e dirixentes políticos criticamos con dureza o ataque que recibían os autores dunhas viñetas noutras latitudes e acusamos aquelas reaccións fóra de toda razón de convivencia democrática. Non se nos ocorría pensar que pouco tardariamos en atoparnos nunha situación similar dentro das nosas fronteiras.

Propia doutro século

Con todo, non é menos certo que a autoridade xudicial non fixo senón aplicar o seu criterio, sen dúbida subxectivo, recorrendo á legalidade vixente. Polo tanto, cómpre que os lexisladores corrixan os criterios legais que permiten sancións deste tipo que dende o SXG e a FeSP consideramos propias doutro estado e doutro século.

SAÚDOS DO SINDICATO DE XORNALISTAS DE GALICIA

Recurirán a condena por publicar a caricatura dos príncipes en El Jueves

O PREITO PODE CHEGAR A ESTRASBURGO

Un xuíz da Audiencia Nacional declaroulles culpables de atentar contra o prestixio da Coroa, xa que a caricatura era "inxuriosa" para o príncipe herdeiro e a súa esposa. Pero rebaixou a pena requirida polo fiscal, unha multa de 6.000 euros cada un, e impuxo unha de 3.000 euros.

O avogado dos condenados anunciou que recorrerá e que se é necesario acudirá á Corte Europea de Xustiza (CEJ) de Estrasburgo (Francia).

O 20 de xullo, a Xustiza ordenou secuestrar a publicación debido á difusión dese debuxo, que tiña a intención de burlarse da política do Goberno de incentivar os nacementos cunha axuda mensual de 2.500 euros. Ese secuestro foi criticado amplamente pola prensa e a clase política.

O fiscal, pola súa banda, baseouse no artigo 490.3 do Código Penal, que prevé ata dous anos de prisión para aqueles que calumnien ou insulten ao Rei ou a calquera dos seus ascendentes ou descendentes.

Un fotógrafo obligado a entregar sus fotos a la policía

EL SINDICAT CATALÁN CREE QUE ES INADMISIBLE

Ribot, que ha comparecido en calidad de testigo y al que se le había recomendado asistir acompañado de su abogado, ha aceptado entregarlas para no ser imputado por un delito “grave” de desobediencia a la judicatura.

El fotógrafo gerundense ha manifestado que la policía se pondrá en contacto con él para que les facilite ese materia. A pesar de que Ribot no es el autor material de las fotografías, ha prestado declaración por ser el propietario de la empresa para la cual se captaron las imágenes.

El Sindicat de Periodistes de Catalunya denuncia el requerimiento de qué ha sido objeto el fotógrafo Jordi Ribot y “considera que esta es una petición inadmisible en una sociedad democrática porque no es tarea de los periodistas hacer el trabajo que corresponde a los cuerpos de seguridad del Estado, sino trabajar para el derecho a la información de la ciudadanía, que es lo que hicieron Ribot y el resto de informadores que cubrieron este acontecimiento.

Además este requerimiento supone un grave atentado a la condición de los periodistas puesto que en próximas situaciones similares, los participantes pueden ver los trabajadores de la información más como policías que como informadores, con el riesgo que esto supone no sólo para su seguridad personal sino la amenaza evidente que implica para la calidad de la información que debe recibir la ciudadanía, objetivo principal de cualquier periodista.

El SPC pide “al conjunto de la profesión que rechace el requerimiento planteado desde el Juzgado de Instrucción Número 3 de Madrid y desde la policía autonómica porque los periodistas no somos confidentes policiales sino garantes del derecho a la información de la ciudadanía. Este hecho evidencia una vez más la necesidad de una regulación urgente del secreto profesional de los periodistas a fin de evitar estas situaciones que van en contra del derecho de la ciudadania a recibir información veraz y plural.”

Contra o secuestro de El Jueves

Ante o secuestro por orde xudicial do último número da revista humorística El Jueves, a Federación de Sindicatos de Xornalistas (FeSP), da que forma parte o Sindicato Xornalistas de Galicia, quere manifestar:

1.- O rexeitamento total ao secuestro dos exemplares da revista, que non se producía en España desde épocas predemocráticas. A medida é desproporcionada, posto que afecta a toda unha publicación e, xa que logo, ao dereito á información, cando en caso de haberse producido algún hipotético delito só cabería achacalo a persoas físicas.

2.- Aínda no caso de que houbese extralimitación, ou un posible atentado á honra, ou un posible delito de ofensas, a vía adecuada sería a demanda xudicial, nunca o secuestro dunha publicación.

3.- Un caso como o que nos ocupa tería un mellor tratamento se existise en España un Consello da Información ou da Comunicación, que analizase en primeira instancia se houbo vulneración de dereitos constitucionais, e se estes chocan ou non co tamén dereito constitucional á información.

A Xunta Executiva Federal Da FeSP a 20 de xullo de 2007

El Mundo vulnerou a liberdade de expresión dun xornalista segundo o Tribunal Constitucional

O Tribunal Constitucional deu a razón a un xornalista do Mundo e sinalou que a empresa vulnerou o seu dereito á liberdade de expresión, ao non permitirlle que continuase participando nun faladoiro de televisión na que levaba catro anos. A prohibición foi acordada despois de que Frechoso dixese no faladoiro que ese diario non informara de que o 90% do persoal secundou a folga xeral do 20 de xuño de 2002, e lamentase que a policía tivese que trasladar nos seus furgóns exemplares do xornal desde a imprenta ata un local policial, onde foron recollidos para distribuílos aos puntos de venda.

Dous xuíces sentenciaron no seu día que fora vulnerado o dereito á liberdade de expresión de Frechoso. Pero a empresa recorreu e o Tribunal Superior de Xustiza de Madrid (TSJM) deulle a razón, cunha sentenza redactada polo maxistrado Miguel Moreiras que foi moi criticada en medios xornalísticos e no mundo do Dereito polos argumentos que utilizaba.

A Federación de Sindicatos de Xornalistas (FeSP), da que forma parte o Sindicato de Xornalistas de Galicia, celebra que esa sentenza sexa agora anulada e que o Constitucional, unha vez máis, indique que as competencias que ten un empresario para organizar o traballo non poden lesionar dereitos fundamentais dos seus empregados, como ocorreu neste caso.

Como argumentos para dar a razón á empresa, o TSJ de Madrid citaba dous casos que non tiñan relación con este: o dun policía que criticou na radio a un superior e o dunha revista de Turquía que foi acusada de incitar ao terrorismo. Cunhas frases sacadas de contexto desas sentenzas, o tribunal madrileño indicaba que os xornalistas deben axustarse á liña editorial do medio para o que traballan e seguila.

O Constitucional indicou que asinar un contrato de traballo non pode vulnerar dereitos fundamentais do empregado. Por iso, a empresa editora do Mundo estaba obrigada a demostrar que a prohibición a Frechoso non era unha represalia polas súas críticas no faladoiro “A mirada crítica”, de Telecinco, senón que existían «motivos razoables» para adoptar esa medida, cousa que non fixo.

A FeSP felicita ao redactor xefe do Mundo Francisco Frechoso, e á profesión xornalística en xeral porque esta resolución anula o que fose un grave precedente contra a liberdade de expresión; e congratúlase de que o Tribunal Constitucional sentencie que os xornalistas non están obrigados a coincidir coa liña editorial do seu medio, no caso de que esta exista.