El Sindicato de Xornalistas denuncia el despido de tres trabajadoras que la empresa niega

ANT ASEGURA QUE LA REDACIÓN ESTABA EN VIGO

En un comunicado, el SXG asegura que las tres redactoras fueron "despedidas" el 14 de marzo, un día después de que participas en una asamblea en la cual solicitaron explicaciones a la empresa sobre las causas de su "traslado forzoso" de Santiago a Vigo y del coordinador del diario digital.

Al respecto, el SXG explicó que denunció ante la Justicia "esta grave represión de los derechos de los trabajadores" por considerar que se trata de "despidos ilegales" y acusan a la empresa de "un intento de intimidar al cuadro de personal".

No obstante, el consejero delegado de "A Nosa Terra", Alfonso Eiré, explicó a Europa Press que la empresa decidió finalizar el contrato con las tres redactoras porque estaban "contratadas por obra" y estimó que sus funciones habían finalizado "con la puesta en marcha del diario digital".

"La empresa considera que la puesta en marcha del proyecto
cesó y se entra en una nueva dinámica y se les agradece su trabajo", aseveró Eiré, quien agregó que los contratos de estos trabajadores estaban radicados en Vigo.

O Sindicato de Xornalistas emprende medidas legais contra "A Nosa Terra" por tres despedimentos que a empresa nega

O DESPEDIMENTOS PRODÚCIRONSE O DÍA DESPOIS DUNHA ASEMBLEA DE TRABALLADORES

Segundo informa un comunicado do SXG, o despedimento produciuse o día logo dunha asemblea de traballadores, celebrada o 13 de marzo, na que 21 dos 29 empregados da compañía lle pediron explicacións á dirección sobre as causas do traslado das tres xornalistas de Santiago a Vigo, sede central de "A Nosa Terra".

A asemblea pediu por escrito que a dirección informase da liña editorial e das razóns para o traslado "forzoso" de tres redactoras e do coordinador do dixital, Xurxo Salgado, algo sobre o que "aínda non se deu explicación algunha", sinala a nota.

O SXG considera que eses despedimentos son, "ademais de ilegais, moralmente execrables, especialmente nunha publicación centenaria do significado de "A Nosa Terra"".

Así mesmo, entende que a resposta da dirección (o despedimento desas tres persoas) á petición de diálogo da asemblea é "un intento de intimidar o cadro de persoal" que "cuestiona a viabilidade da nova etapa da publicación".

Por iso, o Sindicato de Xornalistas solicita a "inmediata readmisión" desas tres profesionais e unha "negociación aberta e clara" sobre o futuro da empresa.

"De non sentar a negociar, a dirección terá que facerlle fronte a un conflito de imprevisibles consecuencias" , advirte a Executiva da central sindical.

Ademais, engade que os traballadores do dixital só pretendían "sacar adiante o que era un prometedor proxecto xornalístico que, catro meses logo do seu nacemento, está en crise por falta de diálogo sobre a liña editorial e o soporte técnico adecuado".

Pola súa banda, o conselleiro delegado da compañía, Afonso Eiré, negou que haxa despedimentos, porque as traballadoras "tiñan un contrato por obra", realizado con motivo da posta en marcha do dixital, e a directiva determinou rescindilo en lugar de contratalas de forma indefinida.

"Ese período acabou e decidiuse non renovarlles o contrato", puntualizou Eiré, quen engadiu que esa determinación responde á intención de "darlle un novo xiro ó dixital", que, ó seu xuízo, "non cumpría coas expectativas depositadas, ó non ter a calidade esperada".

Sobre o traslado a Vigo da redacción do diario dixital, o representante de "A Nosa Terra" aseverou que "a redacción e a directiva da publicación xa estaba alí".

Concluíu Eiré afirmando que o abandono de Salgado do posto de coordinador da publicación dixital é froito dun "acordo".

Axencia EFE. 26.03.2008

A Nosa Terra recoñece a improcedencia do despido de tres redactoras

A Nosa Terra (ANT) ven de enviar un burofax (ver fax anexo) a tres redactoras da edición dixital admitindo “a improcedencia do despido comunicado a vostede o pasado 14 de marzo”. A empresa botou a estas tres xornalistas un día despois de que 21 dos 29 dos traballadores da compañía -reunidos en asemblea- pedisen información sobre o traslado forzoso de Santiago a Vigo das tres asalariadas e sobre a liña editorial (ver acta anexa).

O Sindicato de Xornalistas de Galicia (SXG) valora que a dirección recoñecese a improcedencia dos despidos o mesmo día, 26 de marzo, no que o Sindicato denunciara publicamente por vez primeira a existencia dun conflito . Con todo, o SXG continúa co proceso xudicial aberto a semana pasada na procura da readmisión das tres compañeiras, ás que ANT só ofrece indemnizar.

Diálogo para sacar adiante o medio
O único propósito dos traballadores é, ademais de defender os seus dereitos, sacar adiante un proxecto que hai só catro meses comezaba unha prometedora etapa. Por iso, o SXG anima á dirección a dar outro paso ao fronte e abrir un diálogo aberto -sen represión dos asalariados- sobre o futuro do medio e do cadro do persoal.

En todo caso, os burofaxes proban que as declaracións dun directivo de ANT a Efe e Europa Press o 26 de marzo, nas que negaba a existencia dos despidos, son falsas.

Mostras de apoio
O SXG agradece publicamente as mostras de solidariedade recibidas dende o ámbito académico, político, sindical, da administración e dos medios. Por último, o SXG insiste que a organización e mobilización son as únicas solucións efectivas para reducir a precariedade e os abusos, comúns en moitas empresas de comunicación de Galicia.

Pode consultarse en liña a acta da asemblea de traballadores coas firmas de 21 empregados e un dos tres burofax nos que a empresa recoñece a improcedencia dos despidos.

A Nosa Terra despide a tres redactoras o día despois dunha asemblea de traballadores

O Sindicato de Xornalistas de Galicia (SXG) acaba de denunciar ante á Xustiza o despido de tres redactoras de A Nosa Terra o día despois dunha asemblea de traballadores. O 13 de marzo, 21 dos 29 empregados da empresa pediron que a dirección explicase as causas do traslado das tres xornalistas. O 14 de marzo, a empresa respondeu despedindo ás tres asalariadas, que nun primeiro intre só pretendía trasladar de Santiago a Vigo.

A asemblea pediu por escrito (ver acta en PDF) que a dirección informase da liña editorial e das causas do traslado forzoso de tres redactoras e a do coordinador do diario dixital. Así e todo, os directivos do medio aínda non deron explicación algunha.

Represión nunha cabeceira centenaria

O Sindicato de Xornalistas de Galicia xa denunciou ante a Xustiza esta grave represión dos dereitos dos traballadores. Os despedimentos, ademais de ilegais, son moralmente execrables, especialmente nunha publicación centenaria do significado de A Nosa Terra.

O SXG entende que a resposta da dirección –o despido de tres persoas– á petición de diálogo da asemblea –rubricada por todos os redactores menos un– é un intento de intimidar ao cadro de persoal e cuestiona a viabilidade da nova etapa da publicación.

Chamamento ao diálogo

Ante esta situación, o SXG solicita a inmediata readmisión das tres compañeiras e unha negociación aberta e clara sobre o futuro da empresa. De non sentarse a negociar, a dirección terá que facer fronte a un conflito laboral de imprevisibles consecuencias.

No ánimo dos traballadores só está sacar adiante o que era un prometedor proxecto xornalístico que, catro meses despois do seu nacemento, está en crise por falta de diálogo sobre a liña editorial e soporte técnico adecuado.

Poden consultarse en liña a acta da asemblea de traballadores coas firmas de 21 empregados e un dos tres burofax cos despedimentos enviados pola empresa ao día seguinte