Cursos de inglés para traballadores do sector da Comunicación

O Sindicato de Xornalistas de Galicia (SXG) iniciará no mes de maio un ciclo de formación para traballadores do sector da comunicación. A cidade escollida para iniciar o programa é Vigo para logo estenderase progresivamente ao resto de Galicia.

Impartiranse clases de inglés para grupos dun máximo de 5 ou 6 estudantes nas instalacións da empresa Global Project, na rúa Marqués de Valladares de Vigo. Cada grupo terá o seu propio profesor. O grupo crearase en función do nivel dos alumnos, para que todos teñan aproximadamente o mesmo.

Os horarios de traballo estableceranse por consenso entre alumnos e formadores. Cómpre que todos os interesados/as remitan un correo a Paula González (paulag@robaliza.info), quen será quen coordine a creación e horario destes grupos. Nese correo deberá facerse constar o seguinte:

  • Nome e apelidos
  • Datos de contacto (teléfono, email, medio/empresa no que traballa)
  • Nivel de inglés (detallando títulos, cursos e anos de estudo)
  • Horarios posibles (detallando franxas horarias e días)
  • A condición de afiliado ou non ao Sindicato de Xornalistas de Galicia

Os cursos serán gratuítos para todo o alumnado. Os afiliados ao Sindicato de Xornalistas terán preferencia en caso de que houbese problema de prazas.

Xornadas sobre os dereitos laborais dos xornalistas

Como solicitar categorías laborais e dereitos de autor, temas das charlas de Dardo Gomez

Como exisir categorías laborais ou cando poden os fotógrafos tomar imaxes. Estes son dous dos temas do ciclo de conferencias sobre os dereitos laborais dos traballadores da comunicación que organizou o Sindicato de Xornalistas de Galicia (SXG) a principios de maio.

O secretario xeral do Sindicat de Periodistes de Catalunya, Dardo Gómez, foi o protoganista destas charlas, que se celebrararon en Vigo, Santiago e A Coruña segundo a seguinte axenda:

  • VIGO: Venres 6 de maio ás 23.00 horas no café Uf (Rúa Placer)
  • A CORUÑA: Sábado 7 de maio ás 12.30 horas no café Copacabana (xunto ó Obelisco)
  • SANTIAGO: Sábado 7 de maio ás 21.30 horas no Dado-Dadá

Nas conferencias abordaronse temas coma as categorías laborais e cando exisilas; os dereitos adquiridos; a cláusula de conciencia; cando poden ou non os gráficos tomar imaxes; que facer cando os intereses da empresa vulneran os dereitos do traballador; os dereitos de autor, entre outros temas. O fin de cada conferencia, Dardo Gómez aclarou as dubidas dos presentes.

O recén constituído SXG comezou así as súas actividades de formación, centrandose nos dereitos laborais dos traballadores dos medios de comunicación, a cotío esquecidos.

O Sindicato aproveitou estas datas, nas que recentemente se celebraran o Día Mundial da Liberdade de Prensa e o Día do Traballo, para chamar atención na necesidade de loitar conta a precarización do traballo na profesión. O SXG asumiu a obriga de tentar mellora-las condicións dos traballadores dos medios galegos. Para conseguilo, o Sidicato cre necesario dar a coñecer ata onde chegan eses dereitos e por iso anima a tódolos interesados a asisitir.