Publicados os temarios das oposicións á CRTVG

SEN DATA PARA OS EXAMES

O texto está incluído no Diario Oficial de Galicia do xoves, 10 de xullo de 2008. As categorías laborais establecidas son :

ALMACENISTA
ANALISTA PROGRAMADOR
ASESOR LINGUISTA CRTVG
ASESOR LINGUISTA RTG
ASESOR LINGUISTA TVG
AUXILIAR ADMINISTRATIVO
AUXILIAR DE INFORMATIVOS
AUXILIAR DE PROGRAMAS RADIO
AXUDANTE DE MANTEMENTO
AXUDANTE DE PRODUCIÓN
AXUDANTE DE REALIZACIÓN
CÁMARA DE PRIMEIRA
CONTROL DE CÁMARA
DESEÑADOR GRÁFICO
DOCUMENTALISTA CRTVG
DOCUMENTALISTA RTG
DOCUMENTALISTA TVG
ENXEÑEIRO SUPERIOR DE TELECOMUNICACIÓN
GRAFISTA-TITULADOR
ILUMINADOR
LOCUTOR DA RADIO
LOCUTOR TV
OFICIAL ADMINISTRATIVO CRTVG
OFICIAL ADMINISTRATIVO TVG
OFICIAL TÉCNICO ELECTRICISTA CRTVG
OFICIAL TÉCNICO ELECTRICISTA TVG
OFICIAL TÉCNICO ELECTRÓNICO
OPERADOR DE CÁMARA
OPERADOR DE POSPRODUCIÓN
OPERADOR-MONTADOR DE VIDEO
OPERADOR-PRODUTOR DE SON
PRODUTOR
PROGRAMADOR-OPERADOR
PROMOTOR
REALIZADOR
REDACTOR CRTVG
REDACTOR RTG
REDACTOR TVG
RELACIÓNS PÚBLICAS
REPORTEIRO GRÁFICO
TÉCNICO DE ADMINISTRACIÓN
TÉCNICO DE CONTROL DA RADIO
TÉCNICO DE ILUMINACIÓN
TÉCNICO DE SISTEMAS
TÉCNICO DE SON
TÉCNICO ELECTRÓNICO DE PRIMEIRA
TÉCNICO ELECTRÓNICO RTG
TÉCNICO ELECTRÓNICO TVG
TITULADO MEDIO (PREVENCIÓN DE RISCOS LS)
TITULADO SUPERIOR (DEREITO)
TITULADO SUPERIOR (ECONÓMICAS

Porén, aínda se descoñecen os baremos que rexirán o concurso, así como a súa data de convocatoria.

As sentencias contra a TVG argumento da demanda contra a televisión balear

UN ENTE SEN NINGÚN XORNALISTA

En total, son 240 os traballadores que se atopan afectados pola situación de prestamismo laboral que agora denunciaron xudicialmente os xornalistas baleares. Trátase de xornalistas, técnicos e asesores lingüísticos, traballadores que, segundo o SPIB, deben poder elixir entre adquirir a condición de fixos en IB3 ou na súa empresa orixinal.

O letrado do sindicato, Ferran Gomila, fundamenta a demanda nunha sentenza do Tribunal Superior de Xustiza de Galicia, que forzou ao contrato de numerosos traballadores por parte de TVG, a televisión autonómica galega. Declara o avogado do SPIB, que se trata dunha simple "subministración de traballadores" en réxime de "tráfico prohibido".

Gomila constata que as sedes laborais de SBT se solapan cos centros de traballo da televisión IB3, sen que a radiotelevisión autonómica conte nin cun só xornalista propio que faga uso das súas instalacións, preparadas para a produción de noticias. O letrado describe o ente público como unha «Cidade Prohibida na que só proliferan os altos cargos, unha elite que rexe de feito a actividade de toda a base creadora, elaboradora e realizadora das noticias». Agrega, que a empresa SBT «é completamente insuficiente para a actividade noticiosa».

Os xornalistas de todo o Estado pide o fin da precariedade na CRTVG

DENUNCIA DOS CONTRATOS A TRAVÉS DAS PRODUTORAS

Resolucións específicas derivadas dos debates da Convención:

RTVG

A V Convención de Xornalistas de España apoia a reivindicación dos traballadores das delegacións de TVG e da Radio Galega de deixar de ser contratados por produtoras (vinculadas ós principais xornais galegos) e pasar a ser contratados directamente polos medios públicos galegos.

É unha necesidade urxente dar unha solución ó gran número de contratos precarios que existen nos medios públicos galegos.

O FOP solidarízase cos traballadores da Rexión

A Convención de Xornalistas solidarízase cos traballadores da Rexión,e en especial cos compañeiras e compañeiros da Unión Xeral de Traballadores polo acoso laboral exercido pola súa empresa . A Rexión,SA está a practicar todo tipo de presións e coaccións destinadas a impedir que as candidaturas deste sindicato poidan concorrer ás eleccións sindicais.

Dereitos de autor

A Lei de Propiedade Intelectual obriga a pagarlles ós xornalistas un canon por dereito de autoría. As empresas de press clipping –que se adican a realizar resumos de prensa- están dispostas a pagar ese diñeiro ós seus autores.

A Asociación de Editores de Diarios Españois (AEDE) pretende apropiarse deses dereitos, sabedor de que non lle corresponden.

A V Convención de Xornalistas de España expresa o recoñecemento ás empresas de press clipping e esixe á AEDE que non tente apropiarse duns dereitos que non son seus e o cesamento nas súas ameazas a esas empresas, coas que pon en perigo centos de postos de traballo.

RTVM

Como caso máis flagrante de vulneracón do dereito á información que asiste ós cidadáns, a V Convencón de Xornalistas de España destaca o de RTVM.

A convención mostra o seu apoio ós redactores e demais traballadores de Telemadrid e Onda Madrid na súa defensa do dereito dos madrileños a recibir unha información veraz, plural e independente, tal e como establece a lei de creación deste medio público de comunicación.

A convención puido constatar a manipulación, a tendenciosidade e a ocultación de información que o actual equipo directivo de Telemadrid (nomeado e sostido polo Goberno rexional de Esperanza Aguirre) leva a cabo diariamente e que converteu a esta radiotelevisión pública nun instrumento de propaganda dun sector dun partido político.

Denuncia da manipulación en RTVV (Canal 9 e Radio 9)

A V Convención de Xornalistas de España constata o alto grao de manipulación na información e de control político exercido polo Goberno territorial sobre Canle 9 e Ràdeu 9.

O plenario da convención esixe á dirección de Radiotelevisión Valenciana que abandone a política de manipulación e de utilización partidista dos medios públicos autonómicos valencianos.

A necesaria rectificación desta utilización por parte do Partido Popular ha de se producir de inmediato, para non continuar viciando o proceso político que conduce ás eleccións do 27 de maio.

Ó tempo, reclámase á dirección de RTVV que abandone a política de presión sobre os traballadores, de maneira que se permita a elección de novos comités de redacción, xa que fai máis de tres anos que os traballadores dos departamentos de informativos non poden escoller ós seus representantes.

Televisión de Canarias

A V Convención de Xornalistas de España apoia as reivindicacións laborais e profeionais dos traballadores da Sociedade Canaria de Televisión Rexional (SOCATER) O FOP cualifica o actual modelo de xestión da radio televisión pública canaria como un perigo para os dereitos da cidadanía e dos profesionais da comunicación. Ademais, instamos ó Goberno de Canarias a que aposte por un verdadeiro medio de comunicación público.

Reporteiros sen Fronteiras

A Convención de Foro de Organizacións de Xornalistas deplora que no último informe anual de Reporteiros Sen Fronteiras (RSF) se inclúa, dentro do apartado de España, ó Consello Audiovisual de Catalunya (CAC) como unha ameaza á liberdade de expresión cando xustamente o feito de que non exista un equivalente para todo o territorio é un dos grandes problemas para a plena satisfacción do dereito á información da cidadanía.

O FOP considera que por parte de RSF é un desatino intolerable que se compare o CAC coas ameazas de ETA ós xornalistas, comparación á que ata agora só estabamos acostumados a oír a determinados sectores políticos e empresariais.

O FOP non só aplaude o modelo que representa o CAC, presente na regulación dos medios audiovisuais da maioría dos países da Unión Europea, senón que esixe que este se aplique tamén no conxunto de España, tanto a nivel estatal como do resto das comunidades autónomas.

Por último, o FOP apoia o traballo que RSF desenvolve en moitas partes do planeta e pídelle que, de acordo con esta traxectoria, rectifique e retire do seu informe sobre as ameazas á liberdade de expresión as alusións ó CAC.

O SXG publica outra sentencia que condena á CRTVG por subcontratas ilegais

O Sindicato de Xornalistas de Galicia publica unha nova sentencia que condena á Compañía da Radio Televisión de Galicia (CRTVG) a contratar de xeito indefinido a traballadores das súas delegacións, anteriormente subcontratados ilegalmente a través dunha produtora privada.

Neste caso o recente fallo indica a existencia de “cesión ilegal de traballadores por parte da empresa Produtora El Progreso S.L.” á CRTVG. Por iso o xulgado número dous de Lugo recoñeceu o dereito dos traballadores F. A. e C.A.a “ser persoal indefinido de Televisión de Galicia, S.A.". Ademais, a Xustiza condenou á empresa pública e á Produtora El Progreso a pagar máis de 55.000 euros polo tempo que os informadores estiveron subcontratados ilegalmente.

O SXG aproveita a publicación desta sentenza para solicitar unha vez máis á dirección da CRTVG que regularice o seu cadro de persoal, tanto nas delegacións como en Santiago de Compostela.

En opinión do SXG é inadmisible que unha empresa pública como a CRTVG acumule tres sentencias consecutivas que a condenan por contratación fraudulenta de xornalistas a través de produtoras privadas. Un número de condenas que, ademais, pode dispararse nos vindeiros meses, xa que foron máis de trinta os traballadores das delegacións os que denunciaron á CRTVG de xeito coordinado.

Por iso, o SXG solicita publicamente o goberno bipartito que cumpra dunha vez a súa promesa electoral de fortalecer a independencia dos medios públicos, algo que non se pode conseguir coa situación de precariedade laboral que sufre gran parte do cadro de persoal da CRTVG.

Máis comunicados do SXG sobre este caso:

O SXG loitará para rematar coa precariedade laboral e a regularización da contratación na CRTVG

O Sindicato de Xornalistas de Galicia loitará para rematar coa precariedade laboral da CRTVG, que afecta a máis da metade dos seus traballadores, e para regularizar a contratación laboral, tanto na sede do ente público en San Marcos como nas distintas delegacións.

Logo da xuntanza que o pasado fin de semana mantivo a Executiva e o Consello Directivo do SXG, este órgano quere facer pública a súa oposición sobre as eleccións sindicais que se producirán na CRTVG mañán e ás que o Sindicato de Xornalistas non se presenterá finalmente, a pesar de ter traballado na elaboración dunha candidatura.

O SXG, tal e como manifestou en numerosas ocasións, traballará para converter á CRTVG nun verdeiro medio de comunicación público, tanto na situación laboral dos seus traballadores coma na difusiónduns contidos veraces, obxectivos e apolíticos.

Por iso, solicita a regulación da contratación laboral do persoal contratado mediante un concurso oposición excepcional, pola situación que dende moitos anos arrastra esta empresa pública, perolibre para calquiera profesional da comunicación que se queira presentar as probas.

Deste xeito, o Sindicato de Xornalistas defende un modelo no que se valore a antigüidade dos actuais traballadores no seu posto de traballo, pero coa necesaria elaboración dunha proba eliminatoria. Ademáis, aposta pola elaboración dun exame de coñecemento do galego que sexa avaliado por lingüistas. Este modelo foille xa presentado no pasado mes de xaneiro á Asociación de Contratados da CRTVG.

Ademáis, o SXG loitará para regularizar a situación dos numerosos profesionais que realizan o seu traballo, de xeito encuberto, nas distintas delegacións do Ente Público. O SXG ten manifestado en reiteradas ocasións o seu apoio a estes traballadores que teñen denunciado á dirección da CRTVG pola súa situación laboral e aos que a Xustiza lles está a dar a razón.

Por outra banda, este sindicato promoverá iniciativas para acadar melloras salariais e recuperar o poder adquisitivo dos traballadores, conxelado dende os últimos anos. Asemade, amosarase moi vixiante ante a situación dos alumnos en prácticas, para que non sexan utilizados como traballadores encubertos ou explotados laboralmente.

Para evitar este tipo de situacións, o SXG denunciará aquelas prácticas que vulneren os dereitos dos estudantes e esixirá que non sexan contratados en periodos vacacionais, a excepción do vran, e que dispoñan dun titor que supervise, en todo momento, o seu traballlo. Ademáis, velará para que non se produzan acumulacións de prácticas a través dos distintos tipos de contratos desregularizados que existen ao respecto (bolsas das facultades, bolsas Feuga, bolsas do Consello Social ou bolsas da propia empresa).
Aínda que o SXG non conseguiu artellar unha candidatura para presentarse a estas eleccións, anuncia que, no futuro, abrirá unha sección sindical na CRTVG dende a que participará nas reunións do Comité de Empresa, a pesar de non ter voto. De todo elo dará cumprida información aos traballadores do ente público cos que consultará as decisións a adoptar.

O Sindicato de Xornalistas quere agradecer as ganas e a ilusión dalgúns dos traballadores do SXG que, durante os últimos meses, estiveron traballando e negociando co persoal fixo, pero sobre todo cos contratados, da TVG e da RG para formar unha listaxe que, definitivamente, non se puido constituir. En todo caso, anima a estes compañeiros e a todos aqueles que se queiran sumar ao noso proxecto a loitar polos dereitos de todos os traballadores da CRTVG