Condenan ó alcalde de Toques e a cinco veciños por agredir a xornalistas

O alcalde de Toques, Jesús Ares, deberá indemnizar a un reporteiro con máis de 380 euros por romperlle a cámara durante o polémico pleno celebrado o 27 de xaneiro de 2004. Ademais, a Xustiza multa con 120 euros ó mandatario e a catro veciños por unha falta de ‘maltrato de obra’ durante a expulsión ‘agresiva’ dos informadores do salón municipal. Un quinto veciño foi condenado por unha falta de lesións contra unha fotoxornalista.

O Sindicato de Xornalistas de Galicia (SXG), que representa a 13 dos 22 traballadores que denunciaron os feitos, valora positivamente a sentencia do Xulgado de Arzúa, aínda que está valorando pedir un aumento das condenas. O xuíz considera probado que Jesús Ares empurrou varias veces a un reporteiro causándolle a ruptura da súa cámara. Ademais, o veciño M. B. lanzou a unha informadora contra un pasamáns, provocándolle lesións que a mantiveron catro días de baixa, polo que deberá indemniza-la con 180 euros.

Os feitos sucederon cando un numeroso grupo de xornalistas acudiu a Toques para informar da posible dimisión do alcalde, quen fóra condenado por abuso sexual a unha menor. Na sentencia publicada agora, a Xustiza considera probado que Jesús Ares comezou a empurrar ós informadores nada máis entrar no salón municipal, actitude que foi imitada por un grupo de veciños ata que lograron ‘de forma agresiva a súa expulsión’. O xuíz condena ó rexedor municipal e a C. P., A.V., P. F. e J. P. como ‘responsables en concepto de autores cada un deles dunha falta de maltrato de obra’. Outro veciño, R. C., foi absolto de tódolos cargos.

O SXG pide ás administracións que protexan
ós informadores en situacións potencialmente perigosas

O Sindicato de Xornalistas de Galicia louva a valentía dos 23 xornalistas que denunciaron os feitos e que, no caso dos xornalistas gráficos, aportaron fotos e vídeos como proba; imaxes que foron emitidas en tódalas televisións e que o xuíz considerou unha proba ‘especialmente esclarecedora’. O SXG entende que a unión entre tódolos profesionais da información é necesaria para facer valer os seus dereitos, entre os que figura o dereito a informar libremente do traballo das administracións.

Ademais, o SXG quere lémbralle ós poderes públicos a súa obriga de protexer este dereito constitucional a informar. Por iso, pide que a administracións tomen máis medidas de seguridade para protexer ós informadores que acoden a cubrir eventos que, como aquel pleno extraordinario, son potencialmente conflitivos. Incidentes como os de Toques ou as agresións a xornalistas gráficos durante a folga do sector do metal en Vigo son exemplos de situacións nas que a labor dos informadores debe estar especialmente protexida polas autoridades.

Un fotógrafo será indemnizado por coacción na Estrada

Impedíronlle sacar fotos na porta do Xulgado

Os feitos desenvolvéronse o día 1 de xuño de 2004, cando o xornalista e colexiado se dirixiu á porta do xulgado da Estrada para sacar unhas fotos a un detido. Os condenados impedíronlle realizar o seu traballo inmobilizándoo de brazos e pernas, e tratando de sacarlle a cámara. A sentenza recolle que esta actuación supón unha falta grave de ameazas, xa que os condenados impediron ao xornalista exercer a súa profesión, que ademais está recoñecida como un dereito fundamental na Constitución. Un dos dous axentes da Garda Civil que acompañaban ao detido que o colexiado pretendía fotografar, e que foron testemuñas dos feitos, procedeu á identificación dos individuos para que o fotógrafo puidera presentar a denuncia.

Os acusados, que non compareceron no xuízo, foron condenados a pagarlle ao demandante seis euros diarios durante 20 días, e 24 euros polas perdas ocasionadas ao fotógrafo. Este exerce o seu traballo como ‘freelance’ e vende as imaxes que consegue aos medios de comunicación; nesta ocasión as fotografías ían ser para o Diario de Pontevedra. No caso de impago dos condenados, estes deberán cumprir unha pena de 10 días de privación de liberdade.

O xornalista demandante foi representado pola Asesoría Xurídica do Colexio de Xornalistas, que leva o ‘Bufete de Avogados Trillo – Sánchez Campos’, encargado da defensa e asesoramento xurídico en temas profesionais de todos os colexiados do CPXG que o demanden.

22 XORNALISTAS GALEGOS DEMANDAN CASE 20.000 EUROS DE MULTA Ó ALCALDE DE TOQUES E CINCO VECIÑOS

Un grupo de informadores reclamaron hoxe no xulgado de Arzúa seren que o alcalde de Toques, Jesús Ares, e 5 veciños sexan multados con 20.000 euros. A vista tratou como os xornalistas foron expulsados mediante “empurróns” e “ameazas” dun pleno deste Concello. Os avogados dos 22 demandantes alegan que a expulsión violenta produciuse polas ordes do alcalde a un grupo de veciños.

A acusación –na que o Sindicato de Xornalistas de Galicia (SXG) representa a 13 traballadores- reclama que Ares e os veciños sexan condenado polas faltas de maltrato de obra e perturbación da orde pública. Ademais, os avogados reclaman unha indemnización ós xornalistas por danos morais, materiais e físicos próxima os 10.000 euros.

Informar da posible dimisión do alcalde, quen fóra condenado por abuso sexual a unha menor, era o motivo da presenza dos xornalistas en Toques o 28 de xaneiro de 2004.

Alegan que o alcalde agrediu
persoalmente a algúns xornalistas

Varios dos 17 xornalistas que compareceron hoxe detallaron como foron agredidos, nalgúns casos polo propio alcalde. Un dos fotógrafos demandantes afirmou que "a min foi el –referíndose ó Alcalde– quen me rompeu a cámara. Veu cara min e de moi malos xeitos empurroume en tres ocasións”. Unha redactora de radio asegurou que foi lesionada no brazo tras ser "acurralada e empurrada" contra unha valla por parte dalgúns veciños.

Pola súa banda, o alcalde argumentou que ordenou a expulsión dos xornalistas ante as protestas dalgúns veciños, quen, segundo Ares, acusaron os informadores de dificultar o normal desenvolvemento do pleno.

Ares negou que se produciran incidentes fóra do edificio consistorial, mentres que os xornalistas aseguran que, na súa entrada, o alcalde chamounos “mortos de fame”. Ares negou que a expulsión fose violenta, aínda que esta foi emitida por varias cadeas de televisión. O Servizo Xurídico do SXG estima que a sentencia podería ser publicada en dous meses aproximadamente.

O Sindicato de Xornalistas de Galicia louva a valentía dos 23 xornalistas que denunciaron os feitos e que, no caso dos xornalistas gráficos, aportaron fotos e vídeos como proba. O SXG entende que este tipo de unión entre tódolos profesionais é indispensable para facer valer os dereitos dos xornalistas, entre os que figura o dereito a informar libremente do traballo das administracións.

Ademais, o Sindicato de Xornalistas de Galicia quere lembrar ós poderes públicos a súa obriga de protexer o dereito constitucional a informar. Por iso, pide que a administracións tomen máis medidas de seguridade para protexer ós informadores que acudan a cubrir eventos potencialmente conflitivos. Incidentes como os de Toques ou as recentes agresións a xornalistas gráficos durante a pasada folga do sector do metal en Vigo son exemplos de situacións nas que a labor dos informadores debe estar especialmente protexida.

Máis:

Mañá comeza o xuízo polas agresións a un grupo de xornalistas no Concello de Toques

MAÑÁ COMEZA O XUÍZO POLAS AMEAZAS A UN GRUPO DE XORNALISTAS NO CONCELLO DE TOQUES

O Xulgado de Arzúa (A Coruña) acolle mañá a primeira vista do xuízo pola expulsión e as ameazas a un grupo de informadores durante un pleno no Concello de Toques. Os servizos xurídicos do Sindicato de Xornalistas de Galicia (SXG) representan a parte dun grupo de 30 profesionais que denunciaron estes incidentes, que sucederon o 28 de xaneiro de 2004.

O motivo da presenza dos xornalistas en Toques era informar da posible dimisión do alcalde, Jesús Ares, que fóra condenado por abuso sexual a unha menor. O alcalde ordenou a expulsión dos informadores do pleno, acción que foi levada a cabo por un grupo de veciños, próximos a Ares, mediante empurróns e insultos. Previamente, Ares cualificara ós informadores de "mortos de fame" .

O mandatario logrou a expulsión dos xornalistas a pesar de que estes reclamaron que se respectase seu dereito a informar, recollido na Constitución Española. Finalmente, os xornalistas tiveron que abandonar o pleno, malia que o secretario do Concello advertiu da ilegalidade da expulsión.

O Sindicato de Xornalistas de Galicia pide máis protección para os informadores que cobren eventos conflitivos

Ante esta situación, os informadores acudiron ó Cuartel da Guardia Civil de Arzúa para denunciar os incidentes. A primeira vista deste xuízo comeza mañá martes no Xulgado de Primeira Instancia de Arzúa a partir das 11:30.

Na véspera deste xuízo, o Sindicato de Xornalistas de Galicia quere lembrar ós poderes públicos a súa obriga de protexer o dereito constitucional a informar. Por iso, pide que a administracións tomen máis medidas de seguridade para protexer ós informadores que acudan a cubrir eventos potencialmente conflitivos. Incidentes como os de Toques ou as recentes agresións a cámaras durante a pasada folga do sector do metal en Vigo son exemplos de situacións nas que a labor dos informadores debe estar especialmente protexida.

O SXG solidarízase co fotógrafo agredido en Vigo e esixe unha actitude de respecto cara aos traballadores da comunicación

O Sindicato de Xornalistas de Galicia (SXG) quere solidarizarse co fotógrafo da axencia Efe que foi agredido hoxe durante os incidentes protagonizados polos raballadores do metal en Vigo e que tivo que ser atendido polos servicios sanitarios logo de que o alcanzara na cara un pao demadeira.

Desde a Executiva do sindicato pídese unha vez máis que se respecte aos profesionais da comunicación e se lles permita realizar o seu traballo en condicións de seguridade, emprazando especialmente aos manifestantes do metal a evitar actitudes agresivas e violentas cara aos informadores que están a cubrir as súas protestas en Pontevedra.

Este é o segundo incidente no que se ve directamente implicado un fotógrafo desde que o pasado mércores o sector do metal da provincia de Pontevedra iniciase unha folga indefinida en demanda dunha mellora salarial e dunha estabilización do emprego.

Por iso, o SXG insta tamén ás forzas e corpos de seguridade a garantir na medida do posible o libre exercicio profesional dos traballadores da comunicación cando están a cubrir informativamente unevento deste tipo.

5 de maio de 2006