O SXG pide a autoridades e traballadores o máximo respecto ó labor dos informadores na folga do metal

O Sindicato de Xornalistas de Galicia (SXG) pide o máximo respecto aos informadores ante a tensa situación que se está a vivir en Vigo por mor da folga do traballadores do sector de metal. O SXG respecta as lexítimas mobilizacións dos asalariados, a quen lles solicita que non impidan a labor dos reporteiros, varios dos cales foron empurrados durante estes días. O Sindicato lembra que a traballo destes profesionais é informar libremente aos cidadáns das consecuencias e causas da folga.

A obriga do poder público é protexer aos informadores
Ademais, o SXG lémbralle ós poderes públicos a súa obriga de protexer o dereito constitucional a informar. Por iso, pide que as administracións que tomen as medidas de seguridade necesarias para protexer ós informadores que acoden a cubrir feitos que, como a actual situación en Vigo, son potencialmente perigosos para os xornalistas.

De ningún xeito pode repetirse o acontecido nas mobilizacións do metal en 2006, cando varios reporteiros gráficos foron agredidos con total impunidade. Estes incidentes son exemplos de situacións que se poden previr, e nas que a labor dos informadores debe estar especialmente protexida polas autoridades.

O SXG, a disposición dos reporteiros
Por último, o SXG lembra aos xornalistas que traballan en Vigo que os membros da súa Executiva están a súa disposición ante calquera incidente que se poida producir.

A FeSP e o SXG condenan o pinchazo do teléfono dun xornalista vasco

A Consellería de Interior do goberno vasco, coa sorprendente autorización dunha xuíz, investigou as chamadas telefónicas que recibira durante once días un xornalista do diario O Correo para pescudar que axente da Policía Autónoma facilitoulle unha información. A Xunta Executiva da Federación de Sindicatos de Xornalistas, da que forma parte o SXG, rexeita e condena esta intromisión no dereito constitucional que teñen os xornalistas a informar á cidadanía, que tamén supón un claro atentado contra o segredo profesional do xornalista.

Fai un mes, a Xustiza de Andorra permitiu á Policía do Principado intervir o teléfono móbil dun redactor do Diari de Andorra para intentar pescudar quen lle facilitaba información desde os xulgados ou a Fiscalía.

En ambos os casos trátase dun claro atentado aos dereitos dos xornalistas a solicitar información e da cidadanía a recibila.

O Correo publicou que un presunto colaborador de ETA fora avisado de que ía ser detido pola Ertzaintza, tres días antes de levar a cabo esa operación policial. No caso de que existise un delito de revelación de segredo -cousa que non sucedeu, porque o caso foi arquivado por outro xuíz- cometeuno un axente da Ertzaintza e nunca o informador, que se limitou a solicitar información veraz a través das súas fontes para transmitila.

A FeSP condena estas prácticas e lamenta que o Goberno vasco non teña inconveniente en intentar coñecer as fontes dun xornalista para investigar un asunto interno.

El Sindicat de Periodistas denuncia agresiones a fotoperiodistas

El Sindicat de Periodistes de Catalunya manifiesta la más enérgica protesta por la agresión de hoy por parte de fuerzas de los Mossos d"Esquadra contra fotoperiodistas que cubrían una manifestación en Barcelona.

La reiteración de actuaciones como esta muestra la falta de respeto hacia al derecho constitucional a la información, poco propia de las fuerzas de seguridad en una sociedad democrática. Y también pone en evidencia la falta de regulación legal del trabajo de los informadores, que debe incluir el derecho de acceso a las fuentes y el libre ejercicio de la toma de imágenes en actos públicos. Esta regulación es la que podría asegurar la aprobación del Estatuto del Periodista Profesional, actualmente en trámite al Congreso de los Diputados.

16 Noviembre 2006

O SXG solidarízase cos compañeiros agredidos nun enterro da familia Charlín

O SXG pide as autoridades que expliquen porque, tendo en conta os antecedentes de agresións en situacións similares, non había policía

O Sindicato de Xornalistas de Galicia (SXG) mostra publicamente o seu apoio ós reporteiros gráficos agredidos onte en Vilanova de Arousa (Pontevedra) durante o enterro de José Benito Charlín. O SXG esixe ás autoridades, en primeiro lugar á Delegación do Goberno en Galicia, que expliquen porque non había Policía no lugar dos feitos que impedise as agresións.

O Sindicato lembra que o lamentable incidente de Vilanova non é o primeiro caso no que profesionais de medios da comunicación son agredidos mentres elaboran noticias sobre persoas relacionadas con condenados por narcotráfico nesta zona. Tendo en conta estos antecedentes, o SXG considera especialmente grave a ausencia de axentes da orde neste enterro, no que varios profesionais resultaron mallados, concretamente, catro fotógrafos de Faro de Vigo, Diario de Pontevedra, Diario de Arousa e La Voz de Galicia e un cámara da Productora Faro. Ademais, o material de traballo dalgúns dos profesionais que se viron envoltos neste incidente, tal e como recolleron os medios de comunicación, foi destrozado.

O SXG ponse a disposición dos agredidos para axudalos en todo o posible. Por outra banda, o Sindicato lembra ás empresas a importancia de que os xornalistas e reporteiros gráficos formen parte da plantilla das súas compañías, e non como autónomos. Deste xeito, aumentaría o grado de protección laboral dos traballadores da información ante posibles accidentes ou agresións.

Ademais, solicita a as autoridades que tomen as medidas necesarias para protexer ós xornalistas nos actos públicos, especialmente cando, como neste caso, se pode prever con antelación a posibilidade de situacións de tensión cara os informadores. De non estar garantida a súa integridade, o SXG lembra os traballadores que poden negarse a cubrir este tipo de actos.

O SXG, que celebrou a súa Asamblea Constituínte o pasado 27 de febreiro en Santiago de Compostela, recorda que o seu principal obxectivo é protexer e defender os dereitos de todos os traballadores da comunicación en Galicia, incluidos reporteiros gráficos, cámaras, infografistas e demais profesionais que exercen a súa actividade nesta comunidade autónoma.