«Non hai liberdade de información sen pluralismo»

Con motivo das próximas eleccións europeas, facemos un chamamento a todos os candidatos a comprometerse “pola recuperación da liberdade e o pluralismo dos medios en Europa”.

A Federación de Sindicatos de Periodistas (FeSP) (á que pertence o Sindicato de Xornalistas de Galicia), respaldando a iniciativa da Federación Europea de Periodistas (FEP), está facendo chegar a todos os candidatos españois ás eleccións europeas do vindeiro 25 de maio o “Manifesto dos xornalistas”. Continue reading

A Federación de Sindicatos de Periodistas urxe regularizar por lei o traballo dos xornalistas á peza

Sen ningunha protección legal, é o sector que máis sofre a crise económica porque perde o traballo sen indemnización e non cobra desemprego.

A Federación de Sindicatos de Periodistas (FeSP) fixo público esta mañá o seguinte comunicado:

A situación do fotógrafo freelance Ricard García Vilanova -que recuperou a liberdade o pasado 30 de marzo tras permanecer durante máis de seis meses secuestrado en Siria, como Javier Espinosa (El Mundo) e Marc Marginedas (El Periódico de Catalunya)- é unha boa proba, e a máis cruel, da desprotección absoluta na que traballan os xornalistas á peza. A Federación de Sindicatos de Periodistas (FeSP) considera necesario que se regule legalmente a situación deste colectivo profesional e insta aos grupos parlamentarios do Congreso a que poñan en marcha con urxencia as iniciativas necesarias para iso.

García Vilanova, ademais de sufrir a mesma situación que os seus dous compañeiros durante os meses de secuestro, non ten recibido ningún ingreso económico porque é un dos miles de profesionais que non cobran un soldo fixo, senón unha cantidade por cada traballo que venden a un medio de comunicación. Se en España estivera regulada por lei esta actividade profesional, como o está en moitos países europeos, durante o seu cautiverio tería percibido uns ingresos para poder afrontar a súa economía personal e a da súa familia. Continue reading

A Federación de Sindicatos de Periodistas denuncia o aumento de agresións policiais a xornalistas gráficos

Pide a Interior que respecte o dereito a informar dos medios alternativos por igual que os tradicionais e que se reúna cos organizacións representativas.

A Federación de Sindicatos de Periodistas (FeSP) fixo público este mediodía o seguinte comunicado da súa Junta Ejecutiva Federal:

As agresións que sufriron cando menos seis fotógrafos por parte de varios policías antidisturbios o sábado 29 de marzo en Madrid, mentres realizaban o seu traballo informativo nunha protesta non autorizada convocada co lema “Jaque al Rey”, foron un salto cualitativo na actitude obstrucionista que algúns axentes manteñen cada vez con máis frecuencia contra os fotoperiodistas durante as protestas da cidadanía na rúa.
Neste caso, como se ve nos vídeos difundidos por varios medios de comunicación, algúns axentes da Unidad de Intervención Policial golpearon e empurraron a varios fotógrafos e, ademais, non lles permitiron axudar a outro fotógrafo que, tras ser fortemente golpeado, caeu e permanecía tombado no chan.

A Federación de Sindicatos de Periodistas (FeSP), que sempre ten condenado con toda contundencia estes comportamentos, tamén o fai neste caso e esixe da Delegación do Goberno en Madrid que abra unha investigación e adopte as medidas necesarias para que non se repitan condutas deste tipo. Continue reading