A FeSP esixe a dimisión do Ministro del Interior

A Junta Ejecutiva Federal da Federación de Sindicatos de Periodistas (FeSP) fixo público un comunicado no que denuncia que ao manter a ‘Lei Mordaza’, pese ás críticas xeralizadas, parece que pretende reprimir as protestas cidadás e a información xornalística. A FeSP denuncia que o Tratado Trasatlántico de Comercio e Inversións afecta negativamente ao dereito á información.

A Federación de Sindicatos de Periodistas (FeSP) reclama a dimisión ou destitución do Ministro del Interior, Jorge Fernández Díaz, porque durante os seus tres anos ao fronte desa carteira fixo méritos máis que de sobra para deixar o cargo. A pinga que colmou o vaso foi o empecinamento en manter e defender o proxecto de Ley Orgániza sobre Protección de la Seguridad Ciudadana, a pesar das críticas xeralizadas de todos os partidos da oposición -que votaron unanimemente contra ese texto nos seus primeiros trámites no Congreso- e de numerosos colectivos sociais e cidadáns. Continue reading

Campaña internacional contra a impunidade dos crimes contra xornalistas

A Federación de Sindicatos de Periodistas (FeSP) fixo público o seguinte comunicado:

O 23 de novembro de 2009 prodúxose en Filipinas o ataque masivo máis grave contra informadores, no que morreron 32 persoas, e para recordar esta masacre varias organizacións internacionais fixaron esta data para loitar contra a escasa persecución destes delitos.

A Federación Internacional de Periodistas (FIP) e o resto de organizacións internacionais que forman parte da Red IFEX en defensa da liberdade de expresión impulsan ao longo deste mes de novembro unha campaña para esixir aos gobernos de todo o mundo que tomen as medidas necesarias para poñer fin á impunidade que cada vez máis a miúdo rexistran os crimes contra os xornalistas. O 18 de decembro de 2013, a ONU instaurou o 2 de novembro como Día Internacional contra a impunidade dos delitos cometidos contra xornalistas, aniversario dos asasinatos de dous xornalistas de RFI, Ghislaine Dupont e Claude Verlon, rexistrados en Kidal (Mali) en 2013. A Red IFEX sinalou para o mesmo fin o 23 de novembro, que conmemora a masacre de Maguindanao, en Filipinas, cando polo menos 32 xornalistas perderon a vida nun único ataque, o máis mortífero contra os medios de comunicación. Así, a campaña desenvólvese ao longo do mes de novembro, entre estas dúas datas. Continue reading

Total respaldo do SXG á xornalista Leticia Vilar ante os ataques do grupo provincial do PP de Lugo á súa situación laboral

O Sindicato de Xornalistas de Galicia quere amosar o seu apoio a Leticia Vilar Pumares, xornalista e directora de comunicación e TICs da Deputación Provincial de Lugo, logo do ataque perpetrado a súa situación laboral por parte do grupo provincial do PP lucense, que cuestionou a lexitimidade do seu acceso ao posto nun comunicado enviado aos medios no que asegura que “se converte en funcionarios a persoal de confianza do presidente”, José Ramón Gómez Besteiro. No comunicado aluden directamente á xornalista e á súa praza dentro da institución. Continue reading

A Ley de Seguridad Ciudadana cercena dereitos fundamentais

A Federación de Sindicatos de Periodistas (FeSP) fixo público o seguinte comunicado:

A Federación de Sindicatos de Periodistas (FeSP) pide aos grupos parlamentarios que corrixan o proxecto de Ley Orgánica de Protección de la Seguridad Ciudadana, que actualmente tramita o Congreso dos Deputados, porque o seu articulado vulnera dereitos fundamentais dunha sociedade democrática. Respecto ao traballo dos profesionais da información, imprescindible nunha democracia, o proxecto elaborado polo Goberno é un grave menoscabo de dereitos como o de expresión, o de información e o de reunión. Todos eles están protexidos por tratados internacionais que foron asinados polo Estado español, como a Declaración Universal de Dereitos Humanos (artigo 19), o Pacto Internacional de Dereitos Civís e Políticos (artigo 19) e o Convenio Europeo de Dereitos Humanos (artigo 10). O artigo 36.26 do proxecto de lei sanciona «o uso non autorizado de imaxes ou datos personais ou profesionais de autoridades ou membros das Forzas e Corpos de Seguridade que poidan poñer en perigo a seguridade persoal ou familiar, das instalacións protexidas ou en risco o éxito dunha operación». Continue reading